Gruaja e Agim Ramadanit me mesazh të fuqishëm për politikanët: Mos na i digjni shpresat për hir të gjakut të derdhur!

Bashkëshortja e heroit të Kosovës Agim Ramadanit,Shukrije Ramadani,përmes një shkrimi të publikuar në Facebook ka uruar qytetarët në 12 vjetorin e shpalljes së Pavarësisë.

Me theks të veçantë, këtë urim ua ka adresuar nënave të cilat mbeten me dhimbje duke pritur më të dashurit e tyre që s’u kthyen asnjëherë. Ajo ka bërë përmes këtij shkrimi emocionues edhe një apel të fuqishëm, duke thënë ne meritojmë më shumë dhe duam ta gëzojmë më shumë këtë liri.

Ky është postimi i plotë i saj pa ndërhyrje:

Urime 12 vjetori i pavarësia Kosova e dhembjes së nënave, që mbetên në pritje të ushtarit të lirisë që su kthye kurrë,nënave që mbetën para varreve pa kufoma,trishtimit të grave të reja që i rritën fëmijët jetim me dhembjet e ndrydhura e lotët e fshehura nën qepalla , për ushtarin e pa këmbë e duar që u zhgënjye nga liria jote qê nuk ia njohu vlerën e dhembjen dhe plagëve të tija,për veteranin që ia shanë dhe ia mohuan luftën,ia ndërruan shokët sipas interesit të momentit,për gurbetçarin që shkriu djersën dhe rininë për të mbajtur në këmbë të paepur,për të riun që çdo mëngjes i duket i mugët dhe i pa shpresë rrugëve tua, për vashën që e kërkon dashurinë në shkëmbim të një vize,për të gjithë të përvuajturit,të pa shpresët dhe ata që dëshirojnë e presin të të shohin ndryshe.

Ne meritojmë më shumë,ne dijmë dhe duam më shumë,ne duam të na gëzojë kjo liri! Mos na i digjni shpresat e pakta që na kanë mbetur për hirë të gjakut të derdhur për këtë vend!Urime dashuria ime e përjetshme,liria e Kosovës time-Agimi im!