Gropat e qytetit mbyllen për hatër të diasporës

Gjilan – Me vendim të kryetarit të komunës janë ndarë rreth 10 mijë euro për të mbyllur të gjitha gropat në qytet, në mënyrë që kur të vijnë mërgimtarët mos të ketë tollovi nëpër qytet tha Hatixhe Daku.

Komuna ka marrë një iniciativë për të mbyllur të gjitha gropat në qytet. Hatixhe Daku menaxhere në zyrën e prokurimit tha se me vendim të kryetarit janë ndarë mbi 10 mijë euro për të mbyllur të gjitha gropat në qytet. Daku tha se Kompania “Bejta Comerc” fituese e këtij tenderi tashmë është në përfundim të rrafshimit të gropave.

Daku tha se e tërë kjo po bëhet për hatër të diasporës në mënyrë që kur të vijnë ata për pushime mos të ketë tollovi nëpër qytet. Daku tha se Komuna shumë shpejt do ta përfundojë edhe tenderin për mirëmbajtjen verore në qytet dhe mirëmbajtjen e rrugëve të treta nëpër fshatra.

“Ne jemi të kënaqur që megjithatë kemi bërë diçka për diasporën e cila normalisht që meriton shumë më tepër” tha Daku. Ajo tha se edhe rrugët e treta nëpër fshatra do të përfitojnë e sidomos fshatrat përgjatë brezit kufitarë./rajonipress/