Greta Garbo “Del në shitje”

Të gjitha objektet klasike të yllit të kinemasë: fotografitë në sheshin e xhirimit, rrobat e përdorura në role të caktuara apo në jetën private, bizhuteritë, por ajo që përbën pjesën më pikante të ankandit që do të zhvillohet në muajin dhjetor për të paharruarën Greta Garbo, janë gjërat e vogla të përditshmërisë, si pantoflat, llulla që përdorte për cigaret dhe gjëra të tjera intime.

Koleksioni personal i aktores legjendare të lindur në Zvicër në vitin 1905 dhe që ndërroi jetë në New York në vitin 1990, nuk i ishte ofruar asnjëherë më parë një ankandi dhe madje ishte ekspozuar shumë rrallë, saktëson shtëpia e ankandeve ‘Juline’, ku do të ekspozohet koleksioni i Garbo.

Shitja përfshin shumë aksesorë dhe veshje që i përkisnin aktores, e cila shquhej për stilin modern të të veshurit dhe që përbënte gjithmonë një lloj trendi për të tjerët, ndërsa shumë rroba mbajnë firmat më të njohura të modës si Emilio Pucci, Louis Vuitton, Gucci, Salvatore Ferragamo, Lilly Dache ou Givenchy.

Në ankand do të përfshihet dhe një koleksion shumë i rrallë fotosh të realizuara nga fotografë dhe studio fotografike me famë botërore.