UBT

Gratë nuk shprehin interesim për buxhetin komunal

/ 2 minuta lexim

Gjilan -Në Shtëpinë e Kulturës “ Isa Kastrati” në Kamenicë është mbajtur dëgjimi publik rreth planifikimit të buxhetit komunal për vitin 2013 me gratë e komunës së Kamenicës.

Ideja për organizimin e një debati të tillë kishte dal nga takimi i grave kamenicase me grupin e grave deputete të Kuvendit të Kosovës i mbajtur në Kamenicë në muajin qershor.

Megjithatë ftesës për debat i ishin përgjigjur vetëm tetë veta. Kryesuesi i Kuvendit komunal Enver Mavriqi, shprehu pakënaqësi me mos interesimin e femrave për të dhënë kontributin, si dhe për tu bërë faktorë meritor në zhvillimin e proceseve në komunën tonë.

Ai ndër tjerash shtoi se nuk mund të ketë barazi gjinore nëse vetëm njëra gjini vendos, prandaj jo vetëm që duhet të shtohet pjesëmarrja e femrave në debate e dëgjime publike, por edhe duhet jetë dinjitoze.” Gjysma e popullatës i takon kësaj gjinie andaj edhe fjala e juaj duhet të dëgjohet” tha Mavriqi.

Eco Higjiena

Sipas tij realizimi i disa projekteve drejtpërdrejti ndikon në lehtësimin e punës së grave. Edhe zyrtari kryesor financiar Naser Hashani, kërkoi që gratë të japin kontributin e tyre. ”Ju duhet t`i jepni propozimet e juaja për projekte të ndryshme që i konsideroni si të domosdoshme” tha Hashani.

Azemine Maliqi e paraqiti problemin e furnizimit me ujë të pijshëm në pjesët e larta të lagjes “Ilirija”. Ajo tha se ka dhjetë ditë që nuk ka ujë të mjaftueshëm në këtë lagje edhe kur ka ujë zgjat vetëm 30 minuta.

Kryetarja e grupit joformal të grave, Shqipe Berisha-Maliqi shprehi një ide që do të filloj të realizohet me krijimin e kontakteve të drejtpërdrejta me gra në lagje e fshatra, ku do të bisedohet dhe do të nxirren propozimet e tyre.

Kryesuesi i tha zyrtares për barazi gjinore dhe kryetares së grupit joformal të grave që të bashkëpunojnë sa më tepër me gratë, ndërsa, ndihma nga organet komunale nuk do të mungojë./rajonipress/