Gratë jo-aktive vdesin më herët

Gratë e moshuara të cilat kalojnë shumë kohë duke qëndruar ulur janë më të prira të vdesin në moshë më të re krahasuar me gratë aktive.

Kërkuesit kanë analizuar të dhënat e 93 mijë grave të cilat e kanë kaluar periudhën e menopauzës. Femrat ishin ishin të moshës nga 50 deri në 79 vjet në fillim të studimit, dhe janë përcjellë për 12 vite.

Ata kanë gjetur se gratë të cilat kanë kaluar më shumë se 11 orë në ditë duke qëndruar ulur ose duke qenë jo-aktive, kishin 12 për qind rrezik më të rritur të vdesin para kohe nga të gjithë shkaktarët, krahasuar me ato të cilat kanë qenë inaktive për katër orë ose më pak në ditë.

Gratë jo-aktive po ashtu ishin 13 për qind më të prira të vdesin nga sëmundjet kardiovaskulare, 21 për qind më të prira të vdesin nga kanceri dhe 27 për qind më të prira të vdesin nga sëmundjet koronare.

Rezultatet e studimit janë botuar në revistën shkencore mjekësore American Journal of Preventive Medicine. /Mjeku.Net/