Granit Xhaka, më i popullarizuari në Borussia Mönchengladbach

Futbollisti shqiptar, Granit Xhaka, është shndërruar në një yll për tifozët e skuadrës gjermane Borussia Mönchengladbach.Sezoni i ri i bundesligës gjermane sapo ka filluar. Tifozët e ekipeve të ndryshme tashmë shihen kudo të veshur me fanella të futbollistëve të tyre të preferuar.

Tek ekipi Borussia Mönchengladbach tifozët janë parë më së shumti me fanella të futbollistit shqiptar, raporton “Sky Sport News”, transmeton albinfo.ch.

Lojtari i përfaqësueses zvicerane duket që është idhulli kryesor dhe futbollisti më i pëlqyer nga fansat e Borussias.

Edhe pse Borussia Mönchengladbach nuk e ka filluar me këmbë të mbarë sezonin e ri, fansat e tij, por edhe të ekipit, presin që edhe këtë vit Graniti të jetë shtylla kryesore e skuadrës dhe të paktën të përsërisin suksesin e vitit të kaluar, ku Mönchengladbach u radhit në pozitën e tretë në tabelë.