Grabovci: LDK po na shantazhon

Shefi i Grupit Parlamentar të PDK-së, Adem Grabovci ka theksuar se janë duke u kërcënuar nga LDK-ja, duke dashur që ta bllokojnë punën e komisioneve zgjedhore dhe kushtetuese.

Kjo sipas Grabovcit është duke ndodhur për shkak të mandatit të presidentes, në rast se Atifete Jahjagës i lejohet që të vazhdojë mandatin deri në 2016.
“Ne jemi të vetëdijshëm për marrëveshjen që është nënshkruar, por njëkohësisht duhet ta kemi të gjithë parasysh se Gjykata Kushtetuese është organi më i lartë i cili bën vlerësimin apo interpretimin e ligjshmërisë. Dhe vendimet që i bie Gjykata Kushtetuese janë obligative për të gjithë”, ka thënë Grabovci, në një intervistë për “Tribuna Shqiptare”.

Grabovci thotë se i binden këtij vendimi, sepse janë përcaktuar për jetë institucionale.

Grabovci po ashtu ka komentuar edhe akuzat e opozitarëve se deputetët e PDK-së i bojkotuan me qëllim seancat në të cilat diskutohet mocioni për tarifat e çimentos.

Ai ka thënë se deputetët e kanë ditur se ditën e enjte fillonte sezoni i pushimeve verore./Indeksonline/