Grabovci: Jo zgjedhje në qershor

Nënkryetari i Partisë Demokratike të Kosovës, Adem Grabovci, ka thënë se kjo parti është kundër mbajtjes së zgjedhjeve parlamentare në muajin qershor.

Ai ka bërë me dije se fillimisht duhet të përfundojë reforma zgjedhore, pastaj të caktohet data e zgjedhjeve.

Grabovci ka vlerësuar se kërkesat e LDK-së për mbajtjen e zgjedhjeve në verë është tendencioze dhe ka për qëllim manipulimin e procesit zgjedhor.

“Ata që po kërkojnë zgjedhje në qershor janë të interesuar t’i manipulojnë zgjedhjet sikurse i kanë manipuluar në zgjedhjet lokale të vitit të kaluar”, ka deklaruar Grabovci.

Por, Grabovci ka thënë se kurdo që të mbahen zgjedhjet parlamentare PDK-ja do të jetë prapë fituese. /Epoka e re/