Gol e asistim nga Krasniqi në fitoren e Zurichut
RajoniPress
22:37, 28 Korrik, 2024
| 9 muaj më parë
Mesfushori Bledian Krasniqi ka regjistruar gol e asistim në fitoren e Zurichut ndaj Winterthurit.
Të dielën, Zurichu shënoi fitore me rezultatin 4:2, në kuadër të xhiros së dytë të elitës së futbollit zviceran.
Krasniqi e shënoi golin e parë për Zurichun në minutën e 13.
Për Krasniqin ky ishte goli i parë i shënuar në dy ndeshje të zhvilluara në sezonin e ri të Superligës zvicerane.
Ai ishte edhe asistues në golin për 4:2, në minutën e 95-t. Krasniqi dhe Mirlind Kryeziu e kompletuan ndeshjen, ndërsa Lindrit Kamberi në lojë u inkuadrua nga minuta e 74-t për Zurichun.
Te Winterthuri ndeshjen e kompletoi Granit Lekaj, kurse Albin Krasniqi luajti nga minuta e 76-të.
Zurichu është në vendin e tretë në tabelë me gjashtë pikë të fituara. Winterthuri është në pozitën e gjashtë me tri pikë.
