Gjyqtarët dhe prokurorët qyqarë, të shkojnë në shtëpi

Ministri i Drejtësisë, Hajredin Kuçi, i ka porositur të gjithë Gjyqtarët dhe Prokurorët që, nëse nuk e ndjejnë vetën të gatshëm ta kryejnë punën dhe ta mbrojnë vetën, atëherë, “thjesht le të shkojnë në shtëpi”.

“Nëse kemi gjyqtarë dhe prokurorë që nuk mund ta mbrojnë veten, le të shkojnë në shpi”, ka thënë Kuçi në emisionin në një intervistë për “Drejtësia në Kosovë”.

Kjo përgjigjeje e Ministrit Kuçi erdhi pas pyetjes së gazetarit në lidhje me Prokurorët dhe Gjyqtarët që po bijën pre e ndikimeve të ndryshme, edhe politike.

Kurse, sa i përket themelimit të Gjykatës Speciale, Kuçi thotë se kjo ka të bëjë më ruajtjen e imazhit të vendit.

“Prokurori Williamson më ka thënë se unë po e bëj këtë që Rusia mos me ngritë çështjen në Këshillin e Sigurimit. Ka të bëjë me imazhin e vendit, ruajtjen e imazhit të UÇK-së, ruajtjen e imazhit të vendit maksimalisht”, thotë ai për “Drejtësia në Kosovë” që transmetohet të mërkurën.