Gjykimi i Lirim Jakupit i mbyllur për publikun

Gjilan – Në Gjykatën e Qarkut në Gjilan po vazhdon procesi gjyqësor ndaj Lirim Jakupit. Mediet janë penguar të mërkurën ta përcjellin këtë proces nga ana e Njësisë Speciale të Kosovës, përkundër lejes që kishin nga një staf i EULEX-it që gazetarët janë të lejuar të përcjellin gjykimin.

Gjykimi ndaj Lirim Jakupit i cili po mbahet në Gjykatën e Qarkut në Gjilan e që po kryesohet nga gjykatësit e EULEX-it ,Vlladimir Mikula, Mariola Pasnik dhe Vllastimir Dimiq, ka mbetur larg syrit të publikut dhe medieve. Njësia Speciale e Kosovës e cila po ruante sallën e gjykimit nuk ka lejuar gazetarin e Rajonipress që të përcjell këtë proces gjyqësor me arsyetimin se ata janë përgjegjës për siguri e jo trupi gjykues.

Madje këtë skandal të njësisë speciale të Kosovës është munduar ta zbus Arben Xheladini staf teknik i EULEX-it në Gjilan , i cili edhe pse i sqaroj policisë se gazetari ka të drejtë të përcjellë seancat, ata sërish nuk lejuan hyrjen ,me arsyetimin se ata janë kryesoret e jo trupi gjykues.

Në fakt nuk është hera e parë që njësia speciale sillet në këtë mënyrë shumë primitive dhe jonjerëzore. Megjithatë sipas burimeve tona gjykimi i Lirim Jakupit po përcillet me interesim nga palët dhe dëshmitarët. Sot ka dëshmuar një ish polic nga Afganistani përmes Skype.

Lirim Jakupi ish luftëtar i UÇPMB-së i njohur me nofkën e luftës “Nazi” sërish është duke u paraqitur në një proces gjyqësor në Gjykatën e Qarkut në Gjilan të cilën po e udhëheqin gjykatësit e EULEX-it. Rasti i Jakupit është kthyer në rigjykim nga ana e Gjykatës Supreme të Kosovës.

Ndonëse,Lirim Jakupi ishte dënuar me gjashtë vite burgim nga ish gjykatësi i UNMIK-ut Vinod Bolello, rasti i tij është kthyer në rigjykim .Ndaj Lirim Jakupit nuk ka aktakuzë shtesë,pos asaj që është ngritur në vitin 2003 nga ana e prokurores ndërkombëtare,Elizabet Ren.

Sipas , Elizabet Renit, Jakupi akuzohet për periudhën e vitit 2003 i cili së bashku me Asllan dhe Rasim Bajramin dhe Basri Xhemailin kanë qenë duke u përgatitur për një akt terrorist në territorin e Serbisë.

Ren e ngarkon, Jakupin edhe si pjesëmarrës në një akt terrorist të kryer në vitin 2003 ndaj dy policëve serb në punktin policor në Konqul të Serbisë .

Jakupi akuzohet për veprat penale të shtytjes, asistencë apo kryerje të terrorizmit.

Aktakuza e ngarkon Jakupin për periudhën e vitit 2003 i cili së bashku me Asllan dhe Rasim Bajramin dhe Basri Xhemailin,kanë qenë duke u përgatitur për një akt terrorist në territorin e Serbisë./rajonipress/