Gjykata lenë në terr mbi 500 shtëpi në Kodrën e Dëshmorëve

Gjilan – Lagja Kodra e Dëshmorëve tërë ditën e mërkurë ka mbetur pa energji elektrike. Shaban Shabani banor tha se nesër do të protestohet para gjykatës dhe KEK-ut.

Kodra e Dëshmorëve që ka mbi 600 shtëpi të mërkurën ka mbetur gjatë tërë ditës pa energji elektrik dhe pa ujë të pijshëm. Banorët janë revoltuar tej mase për faktin se rryma është ndalur nga policia duke u bazuar në një vendim të gjykatës komunale.

Shaban Shabani banor në këtë lagje tha për rajonipress se rryma është ndërprerë me një vendim të gjykatësit i cili ka vendosur në favor të pronarit shqiptarë të trafos.”Neve nuk na interesojnë mosmarrëveshjet dhe nuk është mirë të jemi viktimë e gjykatësve joprofesionist të cilët pa kurrfarë ndërgjegje terrorizojnë 600 shtëpi” tha Shabani.

Shabani tha se trafoja i ka të vendosura dy dry nga ana e policisë dhe ka të vendosur edhe shiritin e verdhë. Sipas tij nesër mbi 500 shtëpi pritet të mblidhen para gjykatës komunale për të kërkuar sqarime dhe pastaj edhe para dyerve të KEK-ut.

Ndërkaq asnjë zyrtarë i KEK-ut duke përfshirë Ramadan Ahmetin dhe Ragip Hodën nuk janë paraqitur në telefon. Rajonipress mëson nga burime të KEK-ut se rryma është ndërprerë me vendim të gjykatës e cila ka vendosur në favor të një pronari shqiptarë i cili pretendon se gjoja trolli ku ndodhet trafoja është në pronën e tij.

Gjithashtu sipas zyrtarëve të KEK-ut trolli ku ndodhet tanoi trafoja ka qenë e një pronari serb i cili asnjëherë nuk ka bërë problem./rajonipress/