Gjilan – Gjykata e Kamenicës po bëhet më e hapur e më transparente për publikun e medien, për dallim nga vitet paraprake, ku ky institucion ishte pothuaj i mbyllur hermetikisht.
Drejtuesit e Gjykatës, pritet që javën e ardhshme të dalin para gazetarëve me të dhëna për punën tremujore të këtij viti.
Gjykata e Kamenicës ka hyrë në 2012 me afro 2 mijë e 600 lëndë të pazgjidhura, kurse ndër problemet kryesore të saj vazhdon të mbetet numri i vogël i gjyqtarëve dhe stafit administrativ./radiopremiera/
