Studimi i fundit ka dëshmuar se mungesa kronike e gjumit dhe cilësia jo e mirë e tij mund të sjellin deri te arteroskleroza, që shton shanset për sulm në zemër dhe në tru.
Gjashtë orë është sasia minimale që duhet ta bëni gjumë brenda një natës, në mënyrë që t’i ndihmoni zemrës të jetë e shëndetshme, tregojnë studimet e fundit. Studimi i fundit e ka dëshmuar se mungesa kronike e gjumit dhe cilësia e keqe e gjumit mund të ndikojnë në grumbullimin e shtresave dhjamore në arterie, që shkenca e quan arterosklerozë dhe që i shton gjasat për një sulm në zemër dhe në tru.
“Ekzistojnë shumë mënyra për të luftuar sëmundjet e zemrës, përfshirë këtu përdorimin e ilaçeve, aktivitetet fizike dhe ushqimin, por studimi më i fundit pohon se edhe gjumin duhet përfshirë si një nga armët që mund të përdoren në luftën kundër sëmundjeve të zemrës”, thonë ekspertët.
Por as gjumi i tepërt nuk është i shëndetshëm për zemër. Edhe ata që flenë më shumë se tetë orë rrezikohen nga arteroskleroza.
