Gjilani vazhdon të mbetet pa institucione funksionale

Nga Ardian Azemi – Një komunë e vonuar, ndër më të pazhvilluarat në nivel vendi, ende pa konstituim të Kuvendit Komunal dhe pa drejtori funksionale.

Qytetarit nuk i interesojnë pazaret politike për ndarjen e pushtetit. Atij i intereson shërbimi, zhvillimi dhe dinjiteti. As tani e as deri tani nuk i ka pasur këto.

Qytetari dëshiron ta shoh Gjilanin duke ecur krah për krah me komunat e tjera të Kosovës, jo duke vendnumëruar, as duke u kthyer mbrapa.

Çdo ditë vonesë është humbje reale për qytetin.

Lërini pazaret, formoni institucionet dhe punoni në interes të qytetarëve. Gjendja është alarmante, rrugët, shkollat, ambulantat dhe shërbimet bazë janë në degradim të vazhdueshëm. Asgjë nuk funksionon siç duhet.

Çdo pritje e mëtejme ka kosto të lartë për qytetarin, për Gjilanin dhe për të ardhmen e kësaj komune./rajonipress/