Gjilani tani ka alternativë, Rexhep Kadriu ofron një standard të ri të udhëheqjes

Gjilan – Sot Aleanca për Ardhmërinë e Kosovës, dega në Gjilan organizoi takim mobilizues me kryetarët e nëndegëve, me qëllim të organizimit të fushatës zgjedhore në çdo cep të komunës së Gjilanit.

Kreu i AAK-s në Gjilan, tanimë ish-nënkryetari i komunës së Gjilanit, njëherit edhe kandidat për të parin e Gjilanit, Rexhep Kadriu pasi falënderoi strukturat e nëndegëve për punën që kanë bërë përgjatë shumë viteve për rritën e AAK-s, kërkoi angazhim shtesë gjatë kohës së fushatës zgjedhore. “Jemi në fushatë zgjedhore dhe duhet të angazhohemi maksimalisht që të gjithë në mënyrë që fitorja të jetë edhe bindëse edhe e merituar”, tha Kadriu.

Ndërsa, kryetarët e nëndegëve u zotuan se do të angazhohen maksimalisht, do të kërkojnë votë në çdo cep të Gjilanit ballëhapur, për faktin se këtë ua mundëson puna katërvjeçare si nënkryetar i Gjilanit, e kandidatit tonë Rexhep Kadriu. “Nuk ka dyshim se fitorja po troket në derën e AAK-s, sepse Rexhep Kadriu ka dhënë dëshmi të mjaftueshme se ekziston mundësia që Gjilani ta ketë një shkollë të re qeverisëse, e cila ka për qëllim zhvillimin dhe përparimin e Gjilanit”, thanë mes të tjerash përgjegjësit e nëndegëve të AAK-së thuhet në njoftimin e AAK-së./rajonipress/