Gjilani shënon fitoren formale ndaj Feronikelit

Në javën e 29-të, të Superligës së Kosovës, e zhvilluar në stadiumin sintentik në Gjilan, “kuqebardhët” e Gjilanit kanë mposhtur Feronikelin i cili që nga fillimi i kampionatit është përshëndetur nga Superliga me rezultat 5-1.

Futbollistët juniorë të Feronikelit në minutën e 9-të, kanë arritur në epërsi 0-1 me golin e Andi Qorrit. Gjilanasit arrinë të barazojnë në minutën e 33-të, Razak me kokë mposht portierin e ri mysafirë Buqincën.

Në minutën e 39-të, nikoqirët kaluan në epërsi, Shend Kelmendi realizon një gol të bukur. Në minutën e 54-të, mbrojtësi Yll Hoxha asiston gjerë tek Keita Razak i cili me goditje të fuqishme nga 10 metra ngrit epërsinë në 3-1.

Pesë minuta më vonë Keita Razak bukur gjenë Blerim Krasniqin i cili shënon për 4-1. Gerhard Progni në minutat shtesë të kësaj ndeshje jo të barabartë nga një pozitë e vështirë shënon duke e detyruar portierin mysafirë Buqincën që për herë të pestë ta nxjerr topin nga rrjeta e tij.

Trajneri i Gjilanit, Ismet Munishi, pas ndeshjes deklaroi. “ Morëm një gol nga pakujdesi, kjo nuk guxon të na ndodhë, futbollistët e mi bënë paraqitje të mire, dhe ky rezultat ishte më se i merituar, krijuam raste ndërsa mysafirët treguan lojë të mirë në radhët e tyre ka disa talenta të rinjë. Uroj që në ndeshjet e ardhshme të vazhdojmë me këtë seri të fitoreve”. Gjilani me këtë fitore zë pozitën e dytë me 55 pikë. Në javën e 30, Gjilani është mysafirë në Klinë ku do të takohet me Dukagjinin./rajonipress/

Shpërndaje.
© RAJONIPRESS