Gjilani oazë dështimi edhe në politikë, edhe në zhvillim e progres

Gjilan – Komuna e Gjilanit është degraduar në të gjitha drejtimet. Në politikë llugë punët sepse Gjilani nuk ka kryesues të Kuvendit, në infrastrukturë jemi keq e më keq dhe shumë larg komunave tjera dhe zhvillimi e progresi s`ka se si të ecë përpara kur ke ngulfatje të shumanshme.

LVV po dështon në shumë fusha në Gjilan dhe po bënë gabime trashanike duke shkaktuar nervozizëm edhe tek aktivistët e saj të cilët tashmë publikisht po e akuzojnë partinë e tyre për dështime të shumta.

Rrahmani qytetar thotë se është aktivist i VV po ka kritika të shumta.”Një kryesues e humbën, dikur e humbin edhe vendimmarrjen, kemi ngecur mbrapa sepse asnjë projekt nuk po përfundon si duhet. Rrugët hyrëse të Gjilanit janë nisur dhe nuk po përfundojë akoma kurse zhvillim e progres nuk ka sepse kemi një qeverisjes amatore” thotë Rrahmani.

Ilmiu qytetar tjetër thotë se praktikantët e LVV kanë me ja gërditën jetën gjilanasve.

”Mua po më vjen mirë që po ndodhë kjo edhe pse unë jam në PDK, le ta shohin dhe të ngihen qytetarët e Gjilanit me këtë qeverisje e cila erdhi si rezultat i mashtrimit të madh” mendon ky qytetar.

Skenderi qytetar tjetër nga “Arbëria” thotë se kjo qeverisje asnjë projekt të vetin nuk e ka nisur.

”Unë çdo ditë e shoh atë kryetarin e Kamenicës dhe të Vitisë duke shtruar asfalt e promovuar rrugë e projekte të mëdha, ky i joni merret me çerdhe dhe projekte minore si trotuare. I zhgënjyer jam që kam besue se ka njerëz VV që munden me qeverisë me vendin” shton ky qytetar./rajonipress/