Gjilani mund të bëhet me trafik urban të rregulluar

Gjilan – Omer Daku nënkryetar i Gjilanit tha se së bashku me organizatën DEMI dhe USAID-in amerikan janë në përfundim të strategjisë së trafikut urban i cili pritet të aktivizohet kah fillimi i vitit 2013.

Komuna e Gjilanit është në përfundim të rrumbullakimit të strategjisë së trafikut urban. Omer Daku nënkryetar i Gjilanit tha për rajonipress se tashmë janë angazhuar Këshilli i Veprimit Rinor Lokal (KVRL) i cili ka anketuar qytetarët të cilët janë shprehur në favor të trafikut urban në qytet.

Daku tha se pasi të përpunohen këto të dhëna dhe pasi të bëhet prezantimi i tyre edhe përmes debateve të ndryshme atëherë i mbetet grupit të ekspertëve që janë të kyçur edhe amerikanët që të japin sugjerimet e tyre profesionale rreth trafikut urban.

Daku tha se më 11 shtator pritet të fillojë diskutimi për modalitetet e kësaj strategjie dhe shpresohet që në fillim të vitit 2013 trafiku urban në Gjilan të startojë.

Edhe Ardit Ajvazi nga KVLR tha se ata kanë anketuar mbi 383 qytetarë prej tyre gjashtë fshatra dhe 12 lagje. “Shumica e qytetarëve të anketuar janë shprehur në favor të trafikut urban” tha Ajvazi.

Ndryshe Komuna e Gjilanit së bashku me USAID-in amerikanë strategjinë e trafikut urban e kanë filluar në kuadër të mobilitetit për qytetin e Gjilanit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).