Gjilani, Kamenica dhe Vitia shkojnë në balotazh

Gjilan – Ajo që tashmë dihet nga procesi zgjedhor i 3 nëntorit me përjashtime të vogla në balotazh në Gjilan takohen Lutfi Haziri dhe Qemajl Mustafa, në Kamenicë Begzad Sinani dhe Shaip Surdulli dhe në Viti Sokol Haliti dhe Nexhmedin Arifi.

Ndonëse nuk janë përfundimtare rezultatet e tri komunave të Anamoravës Gjilan, Kamenicë dhe Viti, në balotazh pritet të shkojnë LDK – PDK në Gjilan, LDK e PDK në Kamenicë dhe LDK -PDK në Viti.

Në Kamenicë aktualisht Shaip Surdulli nga LDK ka 32% të votave dhe Begzad Sinani nga PDK, 32% të votave.

Në Novobërdë Bajrush Ymeri, LDK, 35% dhe Setislav Ivanovic, G.I.Srpska, 26%.

Kurse në Viti Sokol Haliti, kandidat i LDK – së me rreth 43 për qind, i cili do të përballet në balotazh me Nexhmedin Arifin e PDK-së, i cili ka fituar rreth 23 për qind të votave. I treti është kandidati i Vetëvendosjes, Salih Salihu me rreth 21 për qind.

Lutfi Haziri siç dihet po prinë me vota dhe ai ka festuar fitoren mbrëmë para teatrit të qytetit në Gjilan deri në orët e vona të natës./rajonipress/