Gjilani dimëron në pozitën e tretë

Gjilan – Në ndeshjen e fundit të stinorit vjeshtor, Gjilani ka shënuar fitore para shkuesve të vet, duke mundur skuadrën e Kosovës së Prishtinës me rezultat 2:0. Gjilani në çdo aspekt ka qenë skuadër më e mirë dhe ka mundur të shënojë edhe disa herë, derisa mysafirët nuk kanë arritur që asnjëherë të rrezikojnë portën e gjilanasve.

Gjilani – Kosova (P) 2:0 (2:0)

Stadiumi i Qytetit në Gjilan. Shikues: 100 , Shënues: Arifi ’24, Morina ‘32 . Gjyqtarë: L. Hasani, V. Kelmendi, B. Berisha. Kartoni i verdhë: Morina, Maliqi (Gjilani) – Uka, Krasniqi (Kosova (P)

Gjilani: Gagica, Hyseni, Kastrati, Maliqi, Shaqiri, Morina, Bajraliu, Mustafa, Syla, Arifi, Ramadani (Leka).

Kosova (P): Dalipi, Pajaziti, Jashari, Kryeziu, Terrnava (Zeqiri), Krasniqi, Durmishi, Uka, Bllaca, Ismajli (Zeneli), Ademi.

Në ndeshjen e fundit të stinorit vjeshtor, Gjilani ka shënuar fitore para shkuesve të vet, duke mundur skuadrën e Kosovës së Prishtinës me rezultat 2:0. Gjilani në çdo aspekt ka qenë skuadër më e mirë dhe ka mundur të shënojë edhe disa herë, derisa mysafirët nuk kanë arritur që asnjëherë të rrezikojnë portën e gjilanasve.

Gjilani që nga fishkëllima e parë e gjyqtarit Hasani, kanë sulmuar portën e Kosovës, që sa më parë të shënojnë, por nuk kanë mundur të shënojnë deri në minutën e 24. Morina nga e djathta ka kaluar mbrojtësin Kryeziu, është futur brenda zonës së rreptësisë dhe te pika e penalltisë gjen të vetmuar Arifin, që me goditje të saktë mposhtë portierin Dalipi, duke shënuar në këndin e epërm të djathtë të tij.

Tetë minuta më vonë, Gjilani ka shënuar edhe golin e dytë, ndërsa golashënues ka qenë Morina që bukur është shërbyer nga Maliqi, i cili fillimisht kalon dy mbrojtës të Kosovës, për të harkuar saktë deri te Morina dhe me një goditje të saktë ka shënuar në këndin e poshtëm të majtë të Dalipit.

Ne pjesën e dytë ishte skuadra vendase që ka pasur më shumë nga loja, por edhe përkundër shumë rasteve nuk arritur të shënojë gol. Megjithatë vlen të përmendet minuta e 64, kur nga këndi bukur ka harkuar në zonë Bajraliu, më së larti shkëputet mbrojtësi Arifi, i cili gjuan me kokë, portieri Dalipi është dashur dy herë të intervenoj për të shpëtuar golin. Së pari portieri me majën e gishtave ka ndalur topin që të futej në rrjetë e pastaj pas intervenimit të dytë topin ka ndalur mu në vijën e portës.

Thanë pas ndeshjes:

Muharrem Sahiti, kryetrajner i Gjilanit: Patëm mungesa të shumta në përbërjen e parë. Në pjesën e parë luajtëm mirë dhe shënuam dy gola, ndërsa në pjesët e dytë futbollistët u vetknaqën. Megjithatë angazhimi i futbollistëve të Gjilanit nuk mungoi dhe shënuam fitore të merituar.

Fatmir Zhdrella , kryetrajner i Kosova (P): Skuadra e jonë është e re dhe e pa përvojë. Në pjesën e parë vendasit dominuan në çdo aspekt, derisa në pjesën e dytë ne morëm lojën në dorë dhe kemi mundur të shënojmë ndonjë gol. Fitorja e Gjilanit është plotësisht e merituar./rajonipress/