Gjilanasit e falin Fitër Bajramin me lutje për harmoni e solidaritet

Gjilan – Gjilanasit edhe kësaj radhe për shkak të numrit të madh faljen e Fitër Bajramit e kanë bërë edhe në rrugë. Naim Aliu kryetar i BIKU ka thënë se edhe këtë vit duhet të mbizotërojë harmonia e solidariteti.

Në të gjitha xhamitë e Gjilanit, por edhe në fshatra është falur sot Fitër bajrami me lutjen kryesore që në familjet shqiptare të mbizotërojë paqja e harmonia vëllazërore.

Naim Aliu kryetar i BIK-ut ka thënë se në këtë muaj të shenjtë të Ramazanit ka mbizotëruar një solidaritet i jashtëzakonshëm pasiqë janë ndihmuar shumë familje skamnore, fëmijë jetimë dhe familje me nevojë.

Aliu ka kërkuar nga qytetarët që edhe sot të mbretërojë harmonia dhe solidariteti sepse kështu na mëson feja islame e cila në fokus ka paqen dhe jetën humane.

Ndryshe shumë qytetar faljen e kanë bërë edhe në vendlindjet e tyre nëpër fshatra./rajonipress/