Gjermania nuk jep azil për qytetarët nga Kosova

Ambasadorja e Gjermanisë në Kosovë, Angleika Viets, tha se kosovarët të cilët po migrojnë jashtë vendit nuk do të marrin azil në shtetin gjerman sepse kushtet ekonomike nuk janë arsye për të marrë azil. Ajo tha se Gjermania 100 % do t’i refuzojë kërkesat për azil edhe pse ka rritje të numrit të kërkesave.

Këto komente ajo i bëri në një ligjëratë në Universitetin AAB.

Gjithashtu, ajo tha se Serbia dhe çdo shtet tjetër që pretendon të hyjë në Bashkimin Evropian e ka kusht ndreqjen e marrëdhënieve fqinjësore.

Ndërsa, duke folur për koalicionin qeverisës ajo tha se ia ka bërë të qartë presidentes se Gjermania pranon një qeveri e cila nuk e ndal dialogun me Serbinë. /Telegrafi/