Gjermani: Më pak azilkërkues nga Maqedonia

Gjermania nuk paraqet më destinacion tërheqës për azilkërkuesit nga Maqedonia dhe Serbia.

Sipas statistikave të Ministrisë së Brendshme gjermane, numri i azilkërkuesve nga Maqedonia gjatë muajit nëntor ka rënë dukshëm në krahasim me atë të muajit tetor.

Në nëntor 497 qytetarë të Maqedonisë kanë kërkuar azil në Gjermani, ndërkaq në tetor numri i tyre kishte qenë 1351.

Është përgjysmuar edhe numri i azilkërkuesve nga Serbia, nga 2673 sa ishin shënuar në tetor, tani 1306.

Sipas autoriteteve gjermane, rënia drastike e azilkërkuesve nga këto vende lidhet me shkurtimin e kohëzgjatjes për procedimin e kërkesave për azil nga këto dy vende në më pak se 10 ditë.

Gjatë muajit nëntor asnjë nga 2353 rastet e proceduara nuk kanë rezultuar me përgjigje pozitive, respektivisht janë refuzuar të gjitha kërkesat për azil. (albinfo)

Shpërndaje.
© RAJONIPRESS