Gjendet marihuanë e mbjellur në arat e Artanës

Gjilan – Policia pas një pune operative ka gjetur bimë të mbjellura narkotike të llojit Marihuan në një serë –(arë) ku janë gjetur të mbjella 36 bimë narkotike të llojit Kanabis Sativa (Marihuanë) të gjatësisë 50- 250 cm ( dy metra e gjysmë).

Drejtoria për Hetimin Trafikimit të Narkotikeve pranë Departamenti Kundër Krimit të Organizuar-Gjilan në vazhdën e luftimit kundër mbjelljeve të substancës narkotike të llojit Kanabis më 22 korrik ka pranuar në mënyrë operative një informatë se në Artanë ( Novobërdë) ka të mbjellura bimë narkotike të llojit Marihuan në një serë –(arë).

Ismet Hashani zëdhënës i policisë tha se sektori i Departamentit të Hetimit të Trafikimit të Narkotikëve -Gjilan në konsultim me Prokurorin ka kontrolluar serën –arën ku janë gjetur të mbjella 36 bimë narkotike të llojit Kanabis Sativa (Marihuanë) të gjatësisë 50- 250 cm ( dy metra e gjysmë).

Të njëjtat janë tërhequr nga ana e njësive të Krim Teknikes Rajonale -Gjilan . Sipas Hashanit me vendim të prokurorit është bërë edhe bastisja e shtëpisë së të dyshuarit F. Vllasaliu lindur me 1982 ku është gjetur dhe konfiskuar një revole Ecol Special 99, 9 mm me një karikator me 6 copë fishek të kalibrit 9 mm si dhe një armë gjuetie dy tytëshe ( pa numër serik).

Të gjitha janë konfiskuar si dëshmi për gjykatë. Lidhur me këtë rast është arrestuar i dyshuari M.K.SH. dhe me urdhër PPQ-ës i dyshuari dërgohet në mbajtje për 48 orë. Hetimet lidhur me këtë raste janë në vazhdimësi e sipër në koordinim me Prokurorin Publik të Qarkut në Gjilan tha Hashani./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).