Gjenden mjete të pashpërthyera në Gjilan, intervenojnë njësitë e specializuara

Gjilan – Disa mjete të dyshuara të pashpërthyera janë gjetur në fshatin Selishtë të Gjilan, gjatë punimeve të gërmimit nga një qytetar. Rasti është raportuar më 22 mars 2026, rreth orës 16:50.

Menjëherë pas njoftimit, njësitë policore kanë dalë në vendin e ngjarjes dhe kanë siguruar perimetrin për të shmangur çdo rrezik të mundshëm. Në vijim, njësiti për deminim (EOD), në bashkëpunim me KFOR, ka bërë tërheqjen e mjeteve në mënyrë të kontrolluar dhe pa incidente.

Autoritetet u bëjnë thirrje qytetarëve që në raste të ngjashme të njoftojnë menjëherë policinë dhe të shmangin çdo kontakt me mjetet e dyshimta, për shkak të rrezikut të lartë që paraqesin./rajonipress/