Gërguri: Kosova ka sistem të qëndrueshëm bankar

Prishtinë – Sistemi bankar i Kosovës është i qëndrueshëm dhe se ky stabilitet është krijuar me një disiplinë të madhe financiare dhe fiskale, ka thënë guvernatori i Bankës Qendrore të Kosovës, Gani Gërguri.

Për sa kohë është kjo disiplinë, sektori financiar dhe fiskal, sipas tij, do të ketë aftësi të mirë mbrojtjeje nga tronditjet që mund të vijnë nga sektori i jashtëm. Në intervistën dhënë “Kohës Ditore“, guvernatori Gërguri shpreh bindjen e tij se ka ardhur koha e rënies së normave të interesit të kredive, e që do të ndikojnë në përmirësimin e kushteve të përgjithshme në ekonominë e vendit.

Gërguri, që ndihet krenar me stafin e tij që tashmë po trajnon stafin e Bankave Qendrore të vendeve të tjera, thotë se janë në mbikëqyrje të vazhdueshme të bankave komerciale dhe për këtë, depozitat e qytetarëve nuk janë në rrezik. Guvernatori nuk është mjaft i kënaqur me zhvillimin e industrisë së sigurimeve. Në shqyrtim ka dy aplikacione për banka të reja. Sipas tij, do të licencohej edhe Banka islame nëse do të kishte ndonjë aplikacion.(koha)

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).