Genta nuk pranon sponsor

Aktualisht po e shijon suksesin e këngës “Anuloje” të cilën këngëtarja e njohur Gentiana Ismaili e plasoi javë më parë. Kënga e cila prekë një temë dashurie, është e realizuar nga Arsim Bunjaku i cili e ka bërë tekstin dhe aranzhmani është i përgatitur nga Virusi.

Nga menagjmenti i këngëtares na bëjnë të ditur se kënga e cila është e plasuar, në kanalin e saj në Youtube www.youtube.com/genta, që në start është pëlqyer mjaftë shumë në publik dhe kjo i jep vullnet këngëtares për të vazhduar edhe më tutje me surpriza të radhës.

“Si audio është pritur shumë mirë, për momentin është në kohë promocioni si klip në faqen e Gentës në Facebook, gjë që edhe po e presin shumë mirë në bazë të komenteve dhe numrit të pëlqimeve”, bëjnë të ditur nga menaxhmenti. Edhe pse kënga trajton një temë dashurie, nuk ka të bëjë me jetën e saj private, thjeshtë është një tekst i Arsimit që Gentës i ka pëlqyer.

Gjatë këtyre ditëve Genta bashkë me ekipin e saj menaxherial është duke përgatitur videoklipin e kësaj kënge dhe pritet që gjatë këtyre ditëve të plasohet në treg. Edhe për këtë videoklip ashtu sikurse të tjerët thuhet që Genta nuk ka ndonjë sponsor.

“Deri më tani të gjithë videoklipet e Gentës janë të përgatitura pa sponsor, kështu që edhe videoklipi i këngës ‘Anuloje’ është pa sponsor. Si zakonisht nuk marrim sponsorë në klip” ,bëjnë të ditur nga zyra menaxheriale e Gentës. Pas këtij projekti, Genta do të nisë punën edhe për një këngë tjetër, e cila gjatë muajve të ardhshëm do të plasohet bashkë edhe me videoklip. Por nuk do të jetë vetëm kjo, pasi Genta së shpejti do të shpalos edhe një projekt madhështor për adhuruesit e saj.