Genoa rikthen interesimin për Hetemajn

Mesfushori kosovar, Përparim Hetemaj, ka gjasa të mëdha që në edicionin 2013-14 të Serie A, të jetë pjesë e skuadrës së Genoas, përcjellë të hënën sajti italian “Tuttomercatoweb.com”.

Bëhet e ditur se drejtuesit e Genoas kanë rikthyer interesim për Hetemajn, të cilin e shohin si përforcim adekuat në mesfushë për edicionin e ri. “Genoa po insiston për Hetemajn dhe marrëveshja mund të mbyllet me sukses gjatë kësaj jave”, shkruan sajti italian.

Hetemaj 26-vjeçar është reprezentues i Finlandës dhe me skuadrën e Chievos ka kontratë deri në qershorin e vitit 2014.

Ai është pjesë e Chievos prej vitit 2011, ndërsa gjatë kësaj vere interesim për të siguruar shërbimet e tij, patën treguar edhe skuadrat Lazio e Roma.