Gaxherri: Të gjithë e dinë se SHIK-u ka vrarë njerëz

Deputetja e LDK-së në Kuvend, Besa Gaxherri, e ka shpjeguar në Interaktiv të KTV-së votën e saj kundër Kadri Veselit për kryetar të Kuvendit. Ajo ka thënë se PDK-ja nuk është dashur ta nominojë Veselin për këtë post, përderisa ka dyshime serioze për punën e SHIK-ut që ai e ka udhëhequr.

“Të gjithë e dinë se SHIK-u ka kryer vrasje dhe është përfshirë në krim të organizuar”, ka thënë Gaxherri.

Veseli s’do duhej të ishte në kryeparlametar pa u zbardhur dyshimet për ShIK-un, ka thënë ajo, teksa ka shtuar se ky ka qenë gabim i PDK-së, transmeton koha.net.

Deputetja Gaxherri e ka quajtur thikë me dy tehe por zgjidhje të vetme koalicionin e partisë së saj me PDK-në e Hashim Thaçit.

“Ishte e vetmja e zgjidhje. Por është thikë me dy teha. Mund të bahet punë të mirë dhe të shpejtë, dhe mund të degjeneronjnë dhe të ngufasin edhe më tej gjendjen”, ka thënë Gaxherri, teksa ka shtuar se vet ajo shpreson e pret se do të ndodh kjo e para.

“LDK për herë të parë pas luftës qeverisë me vendin”, ka thënë Gaxherri.