Gashi ftohet nga Norvegjia, Hetemaj e Zeneli nga Finlanda

Mesfushori kosovar Ardian Gashi është ftuar në përfaqësuesen e Norvegjisë për dy ndeshjet e ardhshme eliminatore. Norvegjia më 6 shtator e pret Qipron, ndërsa katër ditë më vonë pret edhe Zvicrën. Gashi 32-vjeçar është pjesë e Helsingborgun në Suedi, ndërsa për Norvegjinë ka luajtur 13 herë deri më tani.

Pas gjashtë ndeshjeve të luajtura, Norvegjia është e katërta në grupin E me tetë pikë të mbledhura.

Prinë Zvicra me 14 pikë, para Shqipërisë që ka 10 e Islandës që ka nëntë pikë. Te U-21 e Norvegjisë është ftuar Valon Berisha.

Ndërkohë, në përfaqësuesen e Finlandës janë ftuar Përparim Hetemaj (Chievo) e Erfan Zeneli (HJK Helsinki). Finlanda më 6 shtator e pret Spanjën, kurse katër ditë më vonë në udhëtim përballet me Gjeorgjinë.

Hetemaj është i suspenduar për takim me Spanjën dhe ka të drejtë loje vetëm me Gjeorgjinë. Kastriot Kastrati ëstë ftuar te U-21 e Finlandës.