Gagica: Raste sociale apo Aktorë të Teatrit Profesionist të Qytetit të Gjilanit

Gjilan – Edhe pse fushatën e vitit 2009 Kryetari i Komunës së Gjilanit e pati filluar me teatrin e qytetit respektivisht me premtimin se mandatin qeverisës do ta fillojë me teatër duke zgjidhur fillimisht problemet e aktorëve dhe stafit mbështetës të TPQ si dhe duke krijuar një teatër i cili do të jetë shembull i Teatrove në Kosovë, kjo nuk ndodhi thotë Nazim Gagica.

Gjithashtu në pyetjen se çka do të krenoheni në fund të mandatit qeverisjes tuaj , Qemajl Mustafa e thotë; “ me Teatrin e Qytetit”. A u mbajt premtimi dhe a po përfundon mandatin me krenarinë për Teatrin e Qytetit?

Teatri i qytetit të Gjilanit krahas Teatrit Kombëtarë të Prishtinës dhe Teatrit të Gjakovës ishin tre Teatro profesioniste që ishin nën juridiksionin dhe mbështeteshin nga Ministria e Kulturës Rinisë dhe Sportit.

Pra, Teatri ynë mbështetej me 51% nga MRKS dhe me 49% nga Komuna e Gjilanit meqë kjo formë e organizimit nuk i shkonte për shtati Kryetarit të Komunës së Gjilanit sepse nuk kishte ndikim të plotë në këtë institucion sidomos në zgjedhjen e stafit menaxhues, arriti që Teatrin Profesionist të Gjilanit ta marr nën menaxhim të plotë dhe duke e kthyer atë në pozicionin e mëparshëm dhe duke e krahasuar atë me shumë Teatro të tjerë amatorë në Kosovë. Dhe ky vendim i bazuar në analiza heuristike, intuitive dhe paragjykuese për të pasur një kontroll politik në Teatër, solli aktorët e Gjilanit në gjendjen të cilën nuk meritojnë ata, të cilët muaj të tërë ( deri gjashtë muaj) presin një pagë minimale që nuk përmbushë dhe nuk plotëson nevojat e një artisti dhe një page e tillë dhe e vonuar nuk mundë t`i shlyej borxhet minimale në kioskën afër Teatrit në të cilën kioskë shërbehen aktorët në formë të huas deri sa t`i marrin pagat e tyre.

AAK mendon se duhet intervenohet urgjentisht me qëllim që të ruhet dinjiteti i Artistit në radhë të parë, për tu përmirësuar mirëqenia e tij , në mënyrë që shpirti artistik i tyre të jetë në gjendje dhe i gatshëm të krijojë vlera me qëllim që ky institucion të rris satisfaksionin e qytetarëve Gjilanas dhe më gjerë, ashtu siç ishte dikur.

AAK-gjithashtu falënderon dhe uron Teatrin e Qytetit për dy shfaqje (premier ) , të shkëlqyera që u dhanë në javën e fundit dhe përgëzon vullnetin artistik të aktorëve dhe gjithë stafit mbështetës të këtyre shfaqjeve ka thënë në një reagim të tij, Nazim Gagica , sekretar i Degës së AAK-së, Gjilan./rajonipress/