Fyle: Duhet t`a luftoni korrupsionin
Komisionari për zgjerim i BE-së, Stefan Fyle ka deklaruar se Prishtina e Beogradi janë afër përmbushjes së detyrave sa i përket integrimeve evropiane, megjithatë ai ka thënë se Kosova duhet të shfaqë kurajo më shumë në sundimin e ligjit, luftën kundër korrupsionit dhe zhvillimit ekonomik.
Këto, komente, Fyle i bërë pas takimit që pati me Zëvendëskryeministri i Republikës së Kosovës, Hajredin Kuçi dhe ministrinë e integrimeve, Vlora Çitaku.
Fyle e vlerësoi progresin e bërë deri më tani, duke thënë se ky progres është si rezultat i punës së madhe që ka bërë Kosova dhe për hapat tjerë do të vendosin shtetet anëtare në qershor.
“Kosova duhet të shfaqet kurajo më të madhe në sundimin e ligjit, luftën kundër krimit dhe korrupsionit dhe zhvillimin ekonomik, vazhdimin e reformave për rrugën e saj drejt Evropës dhe do ta kemi përkrahjen tonë gjithmonë”, ka thënë ai.
Sipas tij, palët janë më afër që të përmbushin detyrat që kanë të bëjë me anëtarësimin e BE-së.
Kurse, zëvendëskryeministri Kuçi falënderojë Fylen për vizitën në Kosovë duke thënë se çdo takim paraqet një prezantim të të arriturave në fushën e integrimeve por edhe marrjen e obligimeve.
Sipas tij, është diskutuar për stabilizim asociim, ku Kosova ka përfunduar kriteret afatshkurta.
Ai tha se është biseduar edhe për procesin e liberalizimit dhe kemi kërkuar një përshpejtim të dinamikës në plotësimin e anshëm por gjithashtu edhe për dialogun në mes Kosovës dhe Serbisë. /Kosovapress/