Futbollisti vdiq nga mungesa e trajtimit

Mediet indiane kanë raportuar të martën për vdekjen e një futbollisti në qytetin lindor të Jalpaigurit pas mungesës së trajtimit mjekësor, pas një përplasjeje me portierin kundërshtar në një ndeshje lokale.

The Indian Express njoftoi se 27 vjeçari Mahesh Thapa vdiq pasi u refuzua të trajtohet në tri spitale ku ishin arsyetuar se nuk ka shtretër të lirë. Thapa u dërgua nga njëri spital te tjetri me një motoçikletë, pasi vetura e ambulancës nuk ishte në dispozicion.

Ai luante për skuadrën Raikatpara Sports Association kundër Bhanu Nagar. Ky është rasti i dytë i vdekjes së një futbollisti në Indi në katër muajt e fundit. Një futbollist i ekipit Bangalore, D.Venkatesh vdiq në mars si pasojë e sulmit kardiak në fushë.

Vetura e ambulancës nuk ishte në dispozicion dhe Ventakesh u dërgua në spital me një karrocë.