Futbollisti nga Korça po luan me sukses te Roma
RajoniPress
10:21, 25 Mars, 2013
Është vetëm 17-vjeçar dhe po luan me mjaft sukses te skuadra e famshme italiane, Roma. Fjala është për mesfushorin nga Korça, Romeo Shahinas, i cili aktivizohet si mesfushor te të rinjtë e Romës, duke qenë në të njëjtën kohë dhe anëtar i Kombëtares së Shqipërisë U17.
Në një intervistë për gazetën Tribuna, Shahinas ka folur për karrierën e tij me Romën, duke thënë se dëshiron që ta arrijë skuadrën e parë. Ai thotë se model zhvillimi si futbollist ka Daniele De Rossin dhe Lorik Canën dhe një ditë dëshiron të arrijë suksesin e tyre, shkruan Tribuna.
Shahinas bëri të ditur se në asnjë moment nuk e harron Kombëtaren, ku sipas tij është nder të bartësh fanellën ‘kuqezi’. Talenti shqiptar tregon edhe për momentet kur luajti me legjendën e Romës, Francesco Totti. (ORAinfo)
