FSK-ja më e besueshmja për qytetarët e Kosovës

Forca e Sigurisë së Kosovës vazhdon të jetë ndër institucionet më të besueshme në Kosovë, sipas të dhënave të publikuara nga Instituti Kosovar për Kërkime dhe Zhvillim të Politikave (KIPRED) me temën:“Monitorimi i Sektorit të Sigurisë së Kosovës: nëntor 2015 – mars 2016”.

Rritjen më të madhe të besueshmërisë, nga të gjithë udhëheqësit në sektorin e sigurisë e ka shënuar Ministri i ministrisë për Forcën e Sigurisë së Kosovës, zotëri Haki Demolli me 0.14. Pra ministri Demolli sipas “KIPRED”, dhe rezultateve të observerit ka besueshmëri në shkallë 3.00 për qind, përderisa vitin e kaluar, pra gjatë vitit 2015, kjo besueshmëri ishte në shkallë 2.86.

“KIPRED” në paraqitjen e numrit të tretë të vëllimit të parë të observerit të Sektorit të Sigurisë së Kosovës, ka kumtuar se në bazë të analizës së rezultateve të hulumtimit ka dale se FSK-ja prin me besueshmërinë nga ana e qytetarëve me 3.69 për qind, të të gjithë të anketuarve në gjithë Kosovën.

Krahasuar me të dhënat e hulumtimit të realizuar në hulumtimin paraprak, në nëntor 2015, del që shkalla e besueshmërisë është rritur nga 3.58 në 3. 69 për qind, pra rritje është shënuar për 0.11 për qind.

Forca e Sigurisë së Kosovës është ndër institucionet më të besueshme në vend siaps të gjitha hulumtimeve dhe anketimeve në pesë vitet e kaluara, dhe len pas kështu vazhdimisht të gjitha institucionet tjera të sigurisë në nivel vendi.