FSK e gatshme të ndihmojë të gjitha komunitetet në Kllokot

Gjilan – Nënkryetari për komunitete pranë Komunës së Kllokotit, Hasan Rashiti dhe Nënkoloneli i FSK-së, Afrim Veseli kanë pasur një takim pune ku kanë diskutuar për shumë çështje të cilat kanë rëndësi për të gjitha komunitetet që jetojnë në Komunën e Kllokotit.

Gjatë bisedës u dakorduan për disa aktivitete që do të mbahen në Komunën e Kllokotit në bashkëpunim me FSK-në dhe Ambasadën Amerikane në Kosovë.
“Kishim një takim të shkëlqyer me Veselin ku diskutuam për shumë çështje me rëndësi për të gjithë qytetarët, dhe u dakorduam që të vazhdojmë frymën e bashkëpunimit në mes Komunës dhe FSK-së në disa projekte që pritën të realizohen në vitin e ardhshëm” u shpreh Rashiti.

Në mes të muajit nëntor do të mbahet një aktivitet me nxënësit e shkollave fillore nën organizmin e Komunës së Kllokotit, FSK-së dhe Ambasadës Amerikane në Kosovë./rajonipress/