Fshesa, bishti dhe lopata

Nga Nijazi Kastrati – satirike

U zunë bishti dhe lopata
Derisa n’dorë e kishte Hata
-Po mos ishe ti or bisht
Nuk do bëja punë të pist!

S’jam fajtor lopatë aspak
Trupin tim m’kanë gdhend me latë
Përjetova dhimbje të mëdha
Gjersa bashkë me ty jam ba.

Tani dhembje fare s’kam
Dora Hatës më lëmon
Më vjen shumë keq për ty lopatë
Porse kështu e ke pasë fat.

-Por të jep bishti një këshillë
Je kah bën punën më të mirë
Mos e merr shumë për të keq
Kështu bërllogun po na e heq.

Po mos ishe ti dhe fshisa
Ambientet do ishin t’pista
Po të kishit pak mundësi
Njerëzit e pistë kështu me i fshi
Do ishte bota mrekulli!