Fshehu mbi një kilogramë drogë në gomën e veturës, i arratisuri kërkohet nga policia

Gjilan – Në fshatin Livoq të Gjilanit policia ka pranuar një informatë se i dyshuari mashkull shqiptar ka fshehur në një gomë një sasi të substancës së dyshuar narkotike të cilën do ta dërgonte në Serbi.

Pas një pune operative njësitë policore kanë gjetur gomën dhe pasi e kanë hapur në brendësi të saj kanë gjetur gjashtë paketime me 1324 gramë (një kilogram e treqind e njëzetë e katër gramë) substancë të dyshuar narkotike të llojit marihuanë.

Lidhur me rastin janë kryer bastisje në dy lokacione, por nuk është gjetur asgjë e dyshuar. I dyshuari i njohur për policinë ndodhet në arrati njoftoj policia e Kosovës./rajonipress/