Frika për pozicione shtyn zgjedhjet në PDK?

Diskutimet deri diku të tensionuara që kanë ndodhur ditët e fundit ndërmjet disa prej zyrtarëve të PDK-së, kanë bërë që mbajtja e Kuvendit zgjedhor për këtë vit të vihet në pikëpyetje.

Burime të gazetës “Tribuna Shqiptare” bëjnë të ditur se Kryesia e PDK-së mund t’i shtyj zgjedhjet, sepse mbajtja e zgjedhjeve të brendshme në këto rrethana, mund të provokojë situatë të tensionuar brenda subjektit më të madh politik në vend.

Disa prej anëtarëve të Kryesisë, thotë burimi i gazetës, kohëve të fundit janë bërë edhe më të zhurmshëm si pasojë e frikës se mund të humbasin pozicionet në parti. Si rrjedhojë ata po e mbështesin idenë e shtyrjes së zgjedhjeve brenda partisë. Në anën tjetër, anëtari i

Kryesisë së PDK-së, Adem Grabovci, shprehet i bindur se zgjedhjet në PDK do të mbahen këtë vit. Sipas tij, shumë shpejt do të vendoset edhe për datën mbajtjes së Kuvendit zgjedhor të PDK-së.