Frika nga Specialja e ka degraduar në pikën më të ulët figurën e presidentit

Analisti politik Florim Zeqa, duke vlerësuar mungesën e plotë të akordimit të klasë politike kosovare për veprim të unifikuar në mbrojtjen e interesit të shtetit, por duke provuar që secili lider të zgjedh rrunën e përfitimit për interesa personale, edhe kur janë në pyetje temat nacionale, ka thënë se kjo situatë kërkon që të gjithë liderët, duke filluar nga i pari i shtetit, ti nënshtrohen kontrollit të detajuar mjekësor.

“Vërtetë skena politike ka nevoje për trajtim psikiatrik nga një kolegjium mjekësh, mirëpo i pari është presidenti Thaçi e kështu me radhe deri te deputetja Flora Brovina të cilën e traumatizuan aq shumë me prezantimin e fotos pornografike së falsifikuar në Kuvend”, tha Zeqa për “Kosova Sot Online”.

Sidoqoftë, Zeqa thotë së “dëmi më i madh që po i vije vendit është nga traumat e presidentit i cili nuk mundë të shkëputet nga ethet e Speciales”.

“I traumatizuar nga frika e speciales, Hashim Thaçi e ka degraduar në pikën më të ulët figurën e presidentit të shtetit, duke ju shpallur luftë të hapur, por edhe brenda institucioneve të gjithëve që po ia kundërshtojnë idenë e pazareve me Serbinë, përkatësisht planin serb për ndarjen e Kosovës.

Prandaj shihet qartë gatishmëria e pafundme e Thaçit për ndarje të Kosovës, vetëm e vetëm që të heq nga qafa barrën e Gjykatës Speciale. I motivuar nga frika e speciales, të gjithë ata që e kundërshtojnë idenë e korrigjimit të kufijve i lufton pamëshirshëm dhe me të gjitha mjetet, siç i akuzoi kryeministrin Haradinaj që e quajti të pa edukatë e deri tek presidenti më i dinjitetshëm shqiptar Sali Berisha të cilin e quan argat të Millosheviqit”, tha Zeqa për “Kosova Sot Online”.

Sipas analistit Zeqa, siç duket, çmenduria e presidentit Thaçi nuk ka fund sepse ai po flet gjepura për Sali Berishën, ndërsa për aktin e Flora Brovines që e shikoi e tërë bota thotë se nuk di gjë. “Ky pra është personaliteti i një njeriu pa dinjitet dhe një presidenti pa kredibilitet”, theksoi Zeqa për “Kosova Sot Online”.