KKVITI

FonFon LLC nga Vushtrria fitues i turneut “Kenan Halimi”

/ 1 minutë lexim
Uji Dea

Viti – Mbrëmë në fshatin Gjylekar të Vitisë, është mbajtur ndeshja finale në futboll të vogël të turneut ‘Kenan Halimi’, që organizohet në nderim të dëshmorit të kombit, Kenan Halimi.

Me këtë rast i pranishëm ishte dhe kryetari i komunës së Vitisë, Sokol Haliti i cili foli edhe për rëndësinë e këtij turniri dhe figurën e dëshmorit Kenan Halimi.

Mes tjerash, Haliti duke vlerësuar organizimin tejet të mirë të këtij turniri, theksoi se do të realizohet së shpejti projekti për zgjerimin e fushës, përkatësisht rregullimin e tribunave edhe në pjesën lindore.

UBT

Folën edhe drejtori i DKRS-së Valmir Sahiti dhe në emër të këshillit organizativ Riad Sadiku.

Ndërkaq në natën finale të këtij turniri u zhvillua ndeshja në mes të KF Remniku dhe të FonFon LLC e cila në penalti përfundoi në të mirë të vushtrriasve.

Ekipi FonFon LLC, fitoj vendin e parë dhe u shpall fitues i turnirit të sivjetëm “Kenan Halimi 2024”./rajonipress/