Fondi për strehimoret do të shpenzohet për pagat e stafit

Premtimi nuk arrin te viktimat e dhunës familjare. Fondi prej 150 mijë eurosh që ndau Qeveria për strehimoret do të përdoret për pagat e afro 90 punonjësve të këtyre institucioneve ku kryesisht strehohen viktimat e dhunës në familje – shkruan Koha Ditore.

Kryeministri Hashim Thaçi, në mbledhjen e fundit të Qeverisë pati deklaruar se fondi prej 150 mijë eurosh do t’u dedikohet grave dhe fëmijëve, viktima të dhunës në familje për strehim, riintegrim, kompensim, zbatim të ligjit e edukim.

Por ato para do të shpenzohen për çështje më shumë teknike, ka bërë të ditur për gazetën Naime Sherifi, drejtoreshë e strehimores ”Qendra për Mbrojtjen e Grave dhe të Fëmijëve” Sipas saj,stafi i tetë strehimoreve të Kosovës shumicën e kohës punon në baza vullnetare dhe paguhet vetëm atëherë kur ka donacione.