Fondacioni “Behgjet Pacolli” ndihmon Spitalin e Gjilanit

Gjilan – Fondacioni Humanitar “Behgjet Pacolli” ka ndihmuar Spitalin Regjional të Gjilanit me pajisje të ndryshme e kryesisht ato ortopedike. Aktivistja humanitare e këtij Fondacioni Vana Jerliu – Ramadani është shprehur e lumtur që fondacioni arriti ta ndihmojë këtë spital.

“I falënderohemi dhe i jemi mirënjohës themeluesit të Fonacionit z. Behgjet Pacolli që ka mbështetur dhe ndihmuar realizimin e këtij projekti, dhe jam shumë e lumtur që kisha rastin të kontribuoj në realizim e projektit. Shpresoj që ky donacion të ndikojë sadopak në përmirësimin e kushteve për stafin e spitalit dhe pacientët në këtë spital” tha Vana Jerliu – Ramadani.

Ajo u shpreh se Fondacioni do të vazhdojë edhe më tutje të mbështes grupe në nevojë në tërë territorin e Kosovës. Ky donacion ishte i përbërë nga shtretër elektrik, dollapë, ulëse dhe pajisje tjera ortopedike. Fondacioni “Behgjet Pacolli” muaj më parë ndihmojë me pako ushqimore mbi 1 mijë familje vetëm në Komunën e Gjilanit./rajonipress/