Florent Muslija shënon gol të jashtëzakonshëm për Paderbornin

Florent Muslija ka vazhduar me formë të mrekullueshme në futbollin gjerman.

Mesfushori i Kosovës ka gjetur në një tjetër ndeshje golin për skuadrën e tij Paderborn.

Muslija e ka nisur ndeshjen si gjithmonë nga minuta e parë në kuadër të xhiros së 33-të në Bundesliga 2 ndaj Sandhausen.

Reprezentuesi i Kosovës realizoi një gol të jashtëzakonshëm nga distanca për t’i dhënë epërsinë Paderbornit 1-0 pas 45 minutave të parë të kësaj sfide.

Për Muslijën ky ishte goli i shtatë në Bundesliga 2, derisa ka edhe dy asistime. /Telegrafi/