Florent Muslija i pakapshëm këtë sezon, shkatërron pothuajse i vetëm Schalken
RajoniPress
07:02, 30 Shtator, 2023
Paderborn ka mposhtur Schalken me rezultat 3-1 në kuadër të javës së tetë të Bundesliga 2, ku Florent Muslija shkëlqeu me dy gola.
Mesfushori i Kosovës luajti për 90 minuta në këtë përballje ku ishte lojtari më i mirë në fushë.
Ai shënoi fillimisht nga penalltia në minutën e 52-të për 2-0.
Nuk vonoi shumë dhe Muslija shënoi golin e dytë personal në minutën e 77-të për rezultatin 3-0.
Deri në fund Schalke shënoi një herë, por Paderborn mori fitoren e radhës.
Me dy golat e sotme Muslija shkon në shifrën e katër shënimeve këtë edicion në Bundesliga 2./Telegrafi/
