Flokë të shkurtra dhe balluke – Adelina Ismaili rikthehet si një ikonë stili

Këngëtarja ikonë e skenës shqiptare, Adelina Ismaili, ka befasuar ndjekësit me një pamje të re dhe plot stil.

Ajo është shfaqur me flokë të shkurtra dhe balluke, një transformim që ka tërhequr menjëherë vëmendjen në rrjetet sociale.

E veshur tërësisht në të zeza, Adelina ka publikuar disa fotografi në Instagram, ku duket elegante, e fuqishme dhe me një prezencë që vetëm ajo di ta sjellë.

Kombinimi i stilit të saj të veçantë me ndryshimin në modelin e flokëve mori shumë komente pozitive nga ndjekësit, që e kanë përgëzuar për guximin dhe freskinë që sjell gjithmonë në dukje.

Pavarësisht distancës së saj nga muzika në vitet e fundit, Ismaili mbetet një figurë shumë e dashur për publikun, si dhe një ikonë stili dhe force për shumë gra dhe vajza shqiptare.

Me këtë paraqitje të re, ajo konfirmon edhe një herë se mbetet gjithmonë në qendër të vëmendjes – e veçantë, moderne dhe me ndikim.

Fansat tashmë janë në pritje të një rikthimi të mundshëm në muzikë, ndërsa imazhet e fundit kanë rikujtuar edhe një herë pse Adelina mbetet një prej emrave më emblematikë të skenës shqiptare. /Telegrafi/