Flasin ekspertët: Bora nuk i dëmton kulturat bujqësore

Viti – Drejtori për Bujqësi, Pylltari dhe Zhvillim Rural i Komunës së Vitisë, Veton Ademi që njëherit është edhe ekspert i fushës në mbrojtjen e bimëve ka thënë se kulturat bujqësore nuk rrezikohen nga reshjet e fundit të borës në rast se nuk do të ketë ngrica.

“Edhe pse bimët janë të mbuluara me borë, nëse nuk do të ketë ngrica atëherë nuk ka vend për shqetësime për fermerët tanë, pemët mund të dëmtohen sa i përket bartjes së polenit, disa pemë të cilat veç se kanë lulëzuar apo janë në këtë fazë bora mund të bënë shpëlarjen e polenit dhe mund të vije deri të mos-polenimizimit të tyre” u shpreh Ademi.

Ai tha se në rast se kemi ngrica atëherë këshillojmë që fermerët të përdorin preparatin “Eko Freez” që sipas tij rritë qëndrueshmërinë e bimëve në temperaturat të ulëta. “

Rekomandojmë se në rast të ngricave fermerët të përdorin 1 litër të preparatit në 150 litra ujë, ndërkaq të gjithë fermerët të cilët dëshirojnë informata më të hollësishme lidhur me përdorimin e preparateve të tilla mund të informohen zyrat e drejtorisë së bujqësisë në Komunën e Vitisë potencoi Ademi./rajonipress/