Fjolla nuk kënaqet kurrë

Megjithëse puna e saj po vlerësohet dhe këngët i ka të suksesshme, Fjolla Morina nuk kënaqet me kaq. Ajo rrëfen për “Zërin” se ka nisur projekte të reja muzikore. Kënga e saj e fundit është “Jena bo tym”, në bashkëpunim me Stresin, që është pritur mjaft mirë, por për Fjollën nuk mjafton. “Unë jam një tip që asnjëherë nuk kënaqem me pak.

Gjithmonë mundohem të arrij edhe më shumë. Në fakt, gjatë ndërtimit të karrierës sime kam arritur të kem suksese. Në realitet videoklipi i këngës “Jena bo tym”, që realizuam në duet me Stresin, është pëlqyer shumë në publik dhe kjo më jep vullnet të vazhdoj më tutje. Projektet e reja i kam nisur dhe ajo që mund t’u them adhuruesve të mi është që këto projekte do të vijnë me shumë risi”, – shprehet këngëtarja.

Fjolla nuk flet për lidhjet e saj të dashurisë dhe u bë kohë që nuk e shohim përkrah një mashkulli, por këngëtarja seksi nuk heziton të shfaqë dashurinë që ajo ka për kafshët. “Dashurinë ndaj kafshëve e kam pasur që në fëmijëri. Vazhdoj të mbaj kafshë në shtëpi. Momentalisht kam një mace dhe një qen”, – tregon ajo.