Kosova është shumë larg një vendi perfekt për të jetuar.Shteti i ri është ende duke e ndërtuar profilin e vet. Ish-ambasadori francez në Kosovë Jean Francois Fitou për “Kohën Ditore” ka treguar për zhgënjimin që ka ai personalisht me arsimin në Kosovë që po udhëhiqet nga njerëz jomeritorë, për luftën kundër korrupsionit dhe për krizat e njëpasnjëshme në shtetin e ri.
Fitou ka kërkuar që pakënaqësitë sociale në Kosovë të mos ngatërrohen me ato politike dhe diplomatike, ngase do të bënin një problem të vërtetë.
Ish-ambasadori ka kërkuar që e gjithë shoqëria të angazhohet në luftimin e korrupsionit, gjë që nuk mund të arrihet vetëm nga EULEX-i.
Sipas tij askush nuk kërkon nga Kosova që të ketë më pak krim se sa në vendet anëtare të BE-së, por janë disa vepra si vjedhja e parave të popullit dhe ndërtimi i pallateve nga to, që nuk duhet të falen.
“Nuk duhet tejkaluar vjedhja e parave të njerëzve. Nuk duhet tejkaluar dhe të gjejnë shpëtim individët që të marrin paratë nga njerëzit e këtij vendi dhe të ndërtojnë pallate. Këta nuk duhet të falen. Sepse këta, përvç që bëjnë një veprim të ulët moralisht, për më shumë pengojnë zhvillimin ekonomik të vendit” ka theksuar Fitou.
